Kan hriat lutuk loh lai pawhin software kan tih hi kan ni tin hun hmannaah a tel zel tawh a, kan khawl hman, kan phone leh computer te’n an nih tur ang an nih theih chhan hi a ni pawh a tih theih ang. Hna leh thil eng pawh awlsam leh rang zawka min tihtir theitu a ni a, zing thawh hma nana alarm kan kam te, thiante biak nan phone kan hman theihna te, ral chah dawr kan hman theihna te, heng zawng zawng tih theih nan hian software hi a bulpui ber a ni. Software kan hman thinte tel lo chuan kan khawsak phung a buai pha tawh a ni.
Ni tina kan hman a ni satliah lo a, khawvela danglamna thlentu lian tak a ni. Vanthengreng lam kan hriat loh zir belh zel nan te, khawl kaihhnawiha hmasawnna kan neih nan te, energy siam chhuah kawnga kan felfai zawk nan te, kan hmu thei kher lo a nih pawhin, software hian heng zawng zawng bakah, kan tunlai khawvel inlumlet dan hi a hril vek tawh a ni. Software hi awm lo ta se, kan nun hi tun ai hian a harsain, kan nun hona kawngah inzawmna tha kan nei thei kher awm lo e.
Kan ni tin hun hmannaa software pawimawhnate:
– Thil lei turin dawrah i kal a, pawisa i ah remchan mai loh avangin internet kaltlanga i bank account i thlunzawmna application; Google Pay, Paytm emaw, a dangte pawh hmangin pawisa i pe thei a ni. Heng application hi software avanga hman theih a ni a, awlsam, rang leh him taka pawisa i pek theihna hmanrua an lo ni ta a ni.
– Online-a thlawhtheihna ticket i lei dawnin software pawimawhna a lo awm leh a, ticket man pek mai bakah, ticket confirm-na atante software chu hman tangkai a ni leh a ni.
– Social media kan tih; Facebook, Instagram, Whatsapp, Telegram leh a dang tam tak pawh a awm ang. Heng hlawhtlin theihna leh kan hman theih chhan chu software hi a ni a, a tel lo chuan kan inbiakpawhna hmanrua zawng zawng hi hman theih a ni lo a ni.
– Thlalak kan edit leh kan siam that hian software bawk kan hmang a, software tel lo chuan thlalak edit leh siam that hi thil theih a ni lo.
– Youtube leh smart TV kan en a, en tur kan neih theih nan hian software bawk hman a ni. Software tel lo chuan heng kaltlang hian en tur a awm ngawt lo a, tunlaia kan inawm tleina pawimawh tak zingah software hian hnathawh pawimawh tak a nei a ni.
– Music leh movie industry kan tihahte hian software hi a pawimawh zual em em a, rimawi emaw, movie chhuah tur siam nan leh rem that nan software kan mamawh a ni.
– Tunlai khawvela kan mamawh tam tak, a te ber atanga a lian ber thlenga an hnathawh leh kalphungah, an innghahna pawimawh tak chu software hi a ni. Thil siam chhuahna hmunah awlsam leh tha zawk, felfai leh rang zawka engkim kalpui a nih theih nan a pawimawh em em a ni.
– Damlo dinhmun vawn nan te, appointment siam nan te, khawl hmanga inenkawl pek nan te, ral khat atanga mithiam zawk rawn an nih theih nan te, natna neite hriselna en zui nan bakah, mi zawng zawngin inenkawlna an dawn theih nan te software hian kawng a su thei hle.
– Video conference neih theih nana application kan hman te, Learning Management System (LMS) leh zirna kawng hawn nan pawh software hi hman a ni zel a, a hmuna awm kher lo pawha kawng hawngtu a ni chho zel a ni.
– GPS bakah Google map leh Uber te pawhin chawplehchilha kan awmna leh a chhehvel min kawh hmuh theih nan software an mamawh a, khawi hmunah pawh kal dawn ila kawng awm dan leh kan kalna tur leh awmna dinhmun chiang takin min hrilh thei a ni.